Arya
28thAugust2005, 15:40
http://www.maltarightnow.com/news/portal.asp?module=article&t=a&aid=3652&cid=19
Klandestini, tiba tieħu xejra "industrijalizzata". Dgħajjes u makni ta' l-istess daqs u għamla
Miktub: 28/08/2005 14:35:41
http://www.maltarightnow.com/content/images/Boatpeople.jpg
VALLETTA - Huma mijiet li qed iħallu l-kosta Libjana - mhux aktar bi skejjen antiki li jitgħabbew fuqhom numri kbar ta' immigranti, iżda permezz ta' dgħajjes żgħar, kollha ta' l-istess qjies, u b'magni l-istess. Jidher ċar li l-immigrazzjoni klandestina bdiet tieħu forma 'industrijalizzata'. Hi ferm aktar organizzata milli kienet, u għalkemm hi attivita' moħbija fil-portijiet ta' Zawarah u Sliten, qed tikber aktar u aktar.
Xhieda ta' din ir-realta' tinsab fl-imħażen ta' l-Iskwadra Marittima tal-Forzi Armati Maltin f'Xatt it-Tiben f'Tal-Pieta', fejn tul il-mollijiet fejn isorġu l-patrol boats, hemm ċimiterju ta' dgħajjes, ilkoll tal-fibreglass, ta' l-istess qies, forma u kulur. Ġo fihom, il-fdalijiet tal-vjaġġ tal-fortuna ... fliexken ta' l-ilma u pakketti tal-ġobon ilkoll bl-istess tikketta bl-ilsien Għarbi. Jispikkaw iżda t-tankijiet blu, ilkoll ta' l-istess qies, forma u massimu ta' volum ta' petrol, li jservu biex jissuplixxu l-magni ta' barra li jmexxu l-istess dgħajjes. Iżda l-aktar indikazzjoni qawwija ta' dak li kemm f'Malta, kif ukoll fl-Italja, qed jitqies bħala l-'industrijalizzazzjoni' ta' l-immigrazzjoni klandestina, hi l-kwantita' ta' magni, għal darb'oħra l-istess, li għandha f'idejha l-Armata Maltija.
Jidher ċar li m'għadux aktar prattiku l-użu ta' dgħajjes jew skejjen kbar li jinħtieġu persuna ta' esperjenza marittima biex issuqhom, bir-riskju kollu ta' identifikazzjoni tas-sors, iżda sfruttar aktar aħrax billi jitpoġġew gruppi ta' klandestini Afrikani li prattikament qatt ma raw il-baħar f'ħajjithom fuq dgħajsa ċatta u tal-fibre, bi struzzjonijiet ċari biex ibaħħru dritt.
Il-problema hi li d-dgħajjes li qed jingħataw il-klandestini m'humiex tajbin għall-vjaġġi twal li jkunu jridu jagħmlu. Dawk li jirnexxielhom ikunu salvati, jew jaslu viċin l-art f'Malta jew Lampedusa huma ixxurtjati. Anki l-petrol li jingħataw, mhux qed ikun biżżejjed biex iwassalhom sad-destinazzjoni mixtieqa.
Interessanti l-fatt li l-FAM qed tinterċetta diversi vjaġġi klandestini wara li tkun irċeviet telefonata minn fuq il-baħar mingħand l-immigranti stess. Ladarba salvati, l-immigranti jikkonsenjaw telefon satellitari li fih ikunu memorizzati n-numri tat-telefon taċ-ċentru ta' l-operazzjonijiet tas-salvataġġ tal-Forzi Armati Maltin f'Ħal Luqa, flimkien ma' diversi numri oħra, fosthom anki fl-Italja.
Bosta immigranti li bħalissa qegħdin jinżammu fiċ-ċentri ta' detenzjoni, qed jgħidu li l-manifattura tad-dgħajjes żgħar tal-fibreglass żdiedet sew fil-villaġġi u fil-portijiet fil-Libja, tant li l-forom għad-dgħajjes qed jgħaddu mionn id għal oħra jew jiġu kkupjati bil-massa
Klandestini, tiba tieħu xejra "industrijalizzata". Dgħajjes u makni ta' l-istess daqs u għamla
Miktub: 28/08/2005 14:35:41
http://www.maltarightnow.com/content/images/Boatpeople.jpg
VALLETTA - Huma mijiet li qed iħallu l-kosta Libjana - mhux aktar bi skejjen antiki li jitgħabbew fuqhom numri kbar ta' immigranti, iżda permezz ta' dgħajjes żgħar, kollha ta' l-istess qjies, u b'magni l-istess. Jidher ċar li l-immigrazzjoni klandestina bdiet tieħu forma 'industrijalizzata'. Hi ferm aktar organizzata milli kienet, u għalkemm hi attivita' moħbija fil-portijiet ta' Zawarah u Sliten, qed tikber aktar u aktar.
Xhieda ta' din ir-realta' tinsab fl-imħażen ta' l-Iskwadra Marittima tal-Forzi Armati Maltin f'Xatt it-Tiben f'Tal-Pieta', fejn tul il-mollijiet fejn isorġu l-patrol boats, hemm ċimiterju ta' dgħajjes, ilkoll tal-fibreglass, ta' l-istess qies, forma u kulur. Ġo fihom, il-fdalijiet tal-vjaġġ tal-fortuna ... fliexken ta' l-ilma u pakketti tal-ġobon ilkoll bl-istess tikketta bl-ilsien Għarbi. Jispikkaw iżda t-tankijiet blu, ilkoll ta' l-istess qies, forma u massimu ta' volum ta' petrol, li jservu biex jissuplixxu l-magni ta' barra li jmexxu l-istess dgħajjes. Iżda l-aktar indikazzjoni qawwija ta' dak li kemm f'Malta, kif ukoll fl-Italja, qed jitqies bħala l-'industrijalizzazzjoni' ta' l-immigrazzjoni klandestina, hi l-kwantita' ta' magni, għal darb'oħra l-istess, li għandha f'idejha l-Armata Maltija.
Jidher ċar li m'għadux aktar prattiku l-użu ta' dgħajjes jew skejjen kbar li jinħtieġu persuna ta' esperjenza marittima biex issuqhom, bir-riskju kollu ta' identifikazzjoni tas-sors, iżda sfruttar aktar aħrax billi jitpoġġew gruppi ta' klandestini Afrikani li prattikament qatt ma raw il-baħar f'ħajjithom fuq dgħajsa ċatta u tal-fibre, bi struzzjonijiet ċari biex ibaħħru dritt.
Il-problema hi li d-dgħajjes li qed jingħataw il-klandestini m'humiex tajbin għall-vjaġġi twal li jkunu jridu jagħmlu. Dawk li jirnexxielhom ikunu salvati, jew jaslu viċin l-art f'Malta jew Lampedusa huma ixxurtjati. Anki l-petrol li jingħataw, mhux qed ikun biżżejjed biex iwassalhom sad-destinazzjoni mixtieqa.
Interessanti l-fatt li l-FAM qed tinterċetta diversi vjaġġi klandestini wara li tkun irċeviet telefonata minn fuq il-baħar mingħand l-immigranti stess. Ladarba salvati, l-immigranti jikkonsenjaw telefon satellitari li fih ikunu memorizzati n-numri tat-telefon taċ-ċentru ta' l-operazzjonijiet tas-salvataġġ tal-Forzi Armati Maltin f'Ħal Luqa, flimkien ma' diversi numri oħra, fosthom anki fl-Italja.
Bosta immigranti li bħalissa qegħdin jinżammu fiċ-ċentri ta' detenzjoni, qed jgħidu li l-manifattura tad-dgħajjes żgħar tal-fibreglass żdiedet sew fil-villaġġi u fil-portijiet fil-Libja, tant li l-forom għad-dgħajjes qed jgħaddu mionn id għal oħra jew jiġu kkupjati bil-massa